free hit counter javascript شهادة مثيرة لصديق الصحفي عبد الرزاق الزرقي حول الحادثة – أخبار 24 ساعة
الرئيسية / الاجتماعية / شهادة مثيرة لصديق الصحفي عبد الرزاق الزرقي حول الحادثة

شهادة مثيرة لصديق الصحفي عبد الرزاق الزرقي حول الحادثة

قرّر قاضي التحقيق المتعهّد بملفّ قضيّة وفاة المصوّر الصحفي عبد الرزاق الزرقي الاحتفاظ بالشاب يوسف النجلاوي البالغ من العمر 18 سنة على ذمّة الأبحاث بعد تداول عديد الصور ومقاطع الفيديو التي تظهر تواجد الشابّ المذكور خلف الفقيد مباشرة أثناء اشتعال النيران في جسده.
وفي هذا الإطار نشر الطالب محمّد البوغديري وهو صديق للفقيد وللشاب المحتفظ به في الآن نفسه، على صفحته بموقع التواصل الاجتماعي “فايسبوك” شهادته حول الحادثة.
وجاء في شهادة البوغديري ما يلي:
حول إتهام يوسف النجلاوي بإضرام النار في عبد الرزاق زرقي : الأمور إختلطت على غالبية الشعب وهناك إستثمار سياسي في الإشاعة التي تتعلق بأن عبد الرزاق حرقوه للتغطية على الأسباب الحقيقية إلي تتعلق بالتوجه أصلا نحو ساحة الشهداء وسكب البنزين والتهديدات بالحرق ، خلي نوضح مادام الشبيبة الزوز أصحابي ونعرفهم .
أولا الله يرحم عبد الرزاق ، لكلنا نعرفو شنية قدم للبلاصة هاذي رغملي ماقدمتلو شي ، من إعتصام الصمود حتى لتغطيتو لبلايص في حي الزهور وغيرهم أنا ولد القصرين وغيري مايدخلهمش لتوة ( في الصميم – حي الزهور ) و تنقلوا مع الوحدات الأمنية لأغلبية العمليات الميدانية ، ماينكر حد ، وماينكر حد كونو رزوقة كإنسان مثقف وواعي وصل به اليأس الحاد على الوضعية الإجتماعية كونو يعمل هكاكة .
يوسف النجلاوي ، ولد صغير و أنا كيف تفرجت مالأول يمكن من هول الصدمة ولا عدم تصديق كونو إنسان مثقف يعمل هكة ، قلت بالكشي بالرسمي ، كي عرفت كونو يوسف ماتنجمش نصدق حتى كي يبدى عملها وماعملهاش ، الولد هذا اسمو يوسف و هو إلي ظهر فالفيديو وقت إلي رزوقة الله يرحموا شعل روحو .. الطفل هذا فنان – أرتيستو يا ناس – ولد نظيف و مزال صغير من مواليد 1997 و ما دخلوش لا في سياسة و لا أجندات و لا مؤامرات ، هرب خايف على روحو لا يشعل معاه ، كيما الناس الكل ، إلي في لحظة هستيرية ما ماعاد تفهم شي . الناس هذوما الحاجة الوحيدة إلي يحبو يوصلولها أنهم يتاجرو بأرواح الناس… الناس إلي يتهموا فالولد هذا إلي هو السبب في حرقان عبد الرزاق هوما أنفسهم إلي شعل قدامهم رزوقة و جبدو تليفوناتهم و صوروه و محاولوش حتى يمنعوه الناس هاذوم هوما سبب الهم فالڨصرين و الڨصارنية الكل يعرفوهم … حبيت نقلهم اتقوا الله في أنفسكم و راعو ظروف العباد عائلة رزوقة و عائلة الولد هذا زادة يعلم بيهم كان ربي .
ملاحظة : أنا مع محاسبة إلي كانوا بجنبوا وقالي عمل الفيديو ، حاسبوهم ، أما باش تولي المأساة مرتين لا و ألف لا .
ملاحظة 2 : فما كاميرا في الساحة نورمالمون موثقة كل شي والقضاء لازم يأخذ مجراه.

 

تعليق فايسبوك

شاهد أيضاً

وفاة الرضع: لجنة التحقيق تؤكد وقوع التعفن الجرثومي في احدى مراحل خلط المستحضر الغذائي

  نفى اليوم الجمعة رئيس اللجنة الطبية للتحقيق في وفاة الرضع الدكتور محمد الدوعاجي في …